FAQs Complain Problems

ग्यालरी

मालारानी गाउँपालिकाको आ.व. २०७६।०७७ को वार्षिक समीक्षा र आ.व. २०७७।०७८ को प्रथम चौमासिक समीक्षा कार्यक्रम सम्पन्न भएको छ । समीक्षा कार्यक्रममा मालारानी गाउँपालिकाका अध्यक्ष बालकृष्ण शर्मा आचार्यले विकास निर्माणका काम समयमा सम्पन्न गर्ने गरि अगाडी बढ्न कर्मचारीहरुलाई निर्देशन दिनुभएको छ ।  उहाले पालिकावासीले गुनासो सुनाउने ठाउँ नराख्ने गरि काम अगाडी बढाउन निर्देशन दिनुभएको हो । 

मिति: 02/03/2021 - 12:13
, , ,

आज मिति २०७७।०७।०२ गते देखि औपचारिक रुपमा मालारानी गाउँपालिकाले आफ्नो समग्र पहिचान झल्कने चिन्ह (लोगो) प्रयोगमा ल्याएको छ ।

यसका लागि १८ जना आवेदकका ४५ वटा लोगोहरु प्राप्त भएका थिए, जसमध्ये ३ वटा आवेदकको सर्ट लिस्ट निकाली परिमार्जन गर्ने समय दिँदा २ जना आवेदकको आएको र सो मध्ये एउटाको छनौट ६३ औ कार्यपालिका बैठकले पारित गरी आज २०७७।०७।०२ गते देखि प्रयोगमा ल्याइएको छ ।

यो लोगो तयार पार्ने रेसुङ्गा न.पा. गुल्मी तम्घासका ITA डिजाइनरका इश्वर वि.कलाई बिशेष धन्यवाद ज्ञापन गर्दछौँ ।

मिति: 10/18/2020 - 19:37

Pages

मलारानी गाउँपालिकको संक्षिप्त परिचय

लुम्बिनी प्रदेश अन्तर्गत अर्घाखाँची जिल्लाका ६ वटा स्थानीय तहहरुमध्ये उत्तरपश्चिमपट्टी अवस्थित मालारानी गाउँपालिका पहाडि क्षेत्रमा अवस्थित गाउँपालिका हो । नेपालमा ७५३ स्थानीय तह लागु हुदाँ अर्घाखाँची जिल्लामा साविकका अर्घातोषको (१,६,९), मरेङ्को (१,६), खन,खनदह,बाँगी,हंसपुर र गोखुङ्गा गाउँ विकास समितिहरुलार्इ समेटेर मालारानी गाउँपालिका बनाइएको हो । मालारानी गाउँपालिकाको कूल जनसंख्या २०६८ को जनगणना अनुसार २८,०४४ जना छन् ।  भने यसको क्षेत्रफल १०१.०६ वर्ग किलोमिटर रहेको छ । यस गाउँपालिकाको केन्द्र साविकको खनदह अन्तर्गत खनदह बजारमा रहेको छ । यस गाउँपालिकालार्इ ९ वडामा विभाजन गरिएको छ । यस गाउँपालिकाको सिमाना पूर्वमा छत्रदेव गाउँपालिका, पश्चिममा भूमिकास्थान नगरपालिका र प्यूठान जिल्ला, उत्तरमा प्यूठान र गुल्मी जिल्ला तथा दक्षिणमा सन्धिखर्क र भूमिकास्थान नगरपालिकासम्म फैलिएको छ । यस गाउँपालिकालार्इ पर्यटकीय हिसाबले प्रचुर सम्भावना बोकेको स्थानीय तह मानिन्छ । यहाँ पर्यटकीय क्षेत्रहरु, भौगोलिक, सामाजिक,साँस्कृतिक, एतिहासिक र धार्मिक हिसाबले महत्त्व बोकेका स्थलहरु थुप्रै खालका रहेका छन् । घेराको लेक जिल्लाकै अग्लो चुचुरो जहाबाट उत्तरमा मनोरम हिमाल र पूर्व,पश्चिम र लक्षिणमा फाँटलगायत एतिहासिक तथा धार्मिक स्थलहरु अवलोकन गर्न सकिन्छ । यहि लेकको चुचुरोमा मालारानी मन्दिर छ र यसैको नामबाट गाउँपलिकाको नामकरण गरिएको छ । मालारानी मन्दिर र यसको विशिष्टतका सामाजिक तथा साँस्कृतिक किबदन्तीहरु पाइन्छन् ।